Kombi alarkən sadəcə qiymətə yox, evinizin kvadratmetrinə, izolyasiyasına və istilik ehtiyacına görə düzgün BTU və kW hesablanması aparılmalıdır. Yanlış seçilmiş kombi həm qaz sərfiyyatını artırır, həm də evinizi yetərincə isitmir.
1. Kondensasiyalı yoxsa Konvensional?
Müasir dövrdə ən çox verilən suallardan biri budur. Kondensasiyalı kombilər, yanma nəticəsində yaranan su buxarının enerjisindən yenidən istifadə edərək 109%-ə qədər səmərəlilik yaradır. Bu isə o deməkdir ki, eyni qazı yandıraraq daha çox istilik əldə edirsiniz.
Konvensional (klassik) kombilərdə isə bu buxar birbaşa bacadan atılır və enerji itkisi baş verir. Düzdür, kondensasiyalı kombilərin ilkin alış qiyməti nisbətən baha olur, lakin qaz sərfiyyatındakı qənaət sayəsində 1-2 il ərzində bu fərq özünü doğruldur.
Kombi seçimində ən vacib detal evin istilik itkisinin düzgün hesablanmasıdır. İzolyasiyası olmayan 100 m² ev ilə, tam izolyasiyalı 100 m² evin ehtiyac duyduğu kW fərqlidir.
2. Evin sahəsinə görə Güc (kW) Hesablanması
Aşağıdakı standart cədvəl sizə ilkin hesablama üçün kömək edə bilər, lakin dəqiq rəqəmlər üçün mütləq mütəxəssis baxışı lazımdır:
- 50 - 90 m² evlər üçün: 20 kW kifayətdir.
- 90 - 140 m² evlər üçün: 24 kW ən ideal seçimdir.
- 140 - 200 m² evlər üçün: 28 kW və ya 30 kW tələb olunur.
- 200 m²-dən böyük villalar üçün: 35 kW və üzəri kaskad sistemlər qurulmalıdır.
Daha ətraflı məlumat üçün mütəxəssislərimizlə əlaqə saxlayın.
